Siglir tar il cuntegn
cuntegn

Regiunal Buna posiziun da partenza per playoffs

Per il club da hockey San Murezzan cumenzan quest’emna ils gieus da playoff en la 2.liga. La squadra engiadinaisa vegn a cumbatter encunter il SC Küsnacht en il otgavelfinal.

Gieu da hockey sin glatsch fotografà tras in'arait
Legenda: Tut cumenza puspè tar nulla En ils gieus da playoff vegn tut puspè mess sin nulla e cumenzà da nov. RTR/I. Jaeger

Per il club da hockey San Murezzan cumenzan quest’emna ils gieus da playoff en la segunda liga. La squadra engiadinaisa vegn a cumbatter encunter il SC Küsnacht en l'otgavelfinal.

Anc mai pers sin glatsch a chasa

Per il schef tecnic da la squadra da San Murezzan, Andri Casty, èsi uss impurtant da restar en la buna furma ch’il club da hockey era fin uss. Uschia n’ha il team dad Adrian Gantenbein anc pers nagin gieu sin il glatsch a chasa en l’arena da glatsch Ludains.

L’emprim inscunter cun Küsnacht ha lieu ils 10 da favrer 2015 a San Murezzan.