Siglir tar il cuntegn

Header

Il Juniors D,E da la Cadi cun passa 50 giugaders/as
Legenda: Il Juniors D,E da la Cadi cun passa 50 giugaders/as RTR, Linus Livers
cuntegn

Regiunal Cadi: Adina dapli collavuraziun tranter ils clubs da ballape

Ballape en Surselva è adina in grond tema, e tuttina ston ils clubs collavurar pli e pli stretg ensemen.

audio
Ivo Fry è responsabel per ils juniors dal club da Danis Tavanasa
02:53 min, Sportissimo dals 06.08.2016.
laschar ir. Durada: 02:53 minutas.

Ils juniors A,B,C èn gia s'unids en la IG Surselva, lura dat i gia il team Cadi per ils juniors D, e davent dat oz èn era ils Juniors E in team Cadi. Ils passa 30 scolarets han pudì trair en oz per l’emprima giada lur tricots dal team Cadi.

audio
Intervista cun il trenader dals Juniors E Cadi, Giusep Carigiet
02:53 min, Sportissimo dals 06.08.2016.
laschar ir. Durada: 02:53 minutas.

Cun questa collavuraziun stretga èsi pussaivel da far trais gruppas da trenament en duas differentas fermezzas. Uschia pon ils Juniors E vegnir promovids individualmain pli effizient ha il trenader Giusep Carigiet manegià.

Per evitar viadis pli lungs per ils Juniors vegn i a dar ina rotaziun dals trenaments, vul dir che nagin stoppia per exempel vegnir adina davent da Sedrun fin Tavanasa.

L’emprima finamira da promover ils giugaders e las giugadras po uschia vegnir cuntanschida. La segunda finamira da laschar dar ballape mintgin, e betg mo ils pli ferms, daventa er pussaivla pervi dils differents livels da trenament cun passa 30 uffants.

RR Sportissimo 17:00

Artitgels legids il pli savens

Scrollar a sanestra Scrollar a dretga