Siglir tar il cuntegn

Header

cuntegn

Campiunadi svizer San Murezzan Cédric Follador – cul bob a 4 sin il podest

Tar il campiunadi svizzer cun il bob a quatter a San Murezzan, ha il pilot indigen Cédric Follador fatg il pass sin il podest. Follador è vegnì terz. Campiun svizzer cun il bob a quatter è vegnì Michael Vogt, sin plazza dus è rangà Timo Rohner.

La bobera dal ‘Olimpia Bobrun’ da San Murezzan a Schlarigna è il dachasa dal pilot engiadinais Cédric Follador. Qua ha tut cumenzà cun il sport da bob. Follador è entant ina part constanta en la cuppa d’Europa. Sur la segund auta seria da bob mundiala vul il pilot da 27 onns avanzar en la cuppa mundiala. Duas giadas ha Follador gia pudì ir a la partenza en la cuppa mundiala. La 17avla plazza a La Plagne en Frantscha era ses meglier resultat.

Fitgà pe en la cuppa d’Europa

Suenter tschintg onns en la cuppa d’Europa ha Cédric Follador fitgà pe en questa seria da cursas. Anc mai n'ha il pilot engiadinais mussà sur l’entira stagiun uschè constantas e bunas prestaziuns sco quest enviern. Cun il bob a quatter è el daventà ina giada tschintgavel, cun il bob a dus perfin duas giadas quart. Il retard sin ina plazza da podest è pia fitg pitschna.

audio
Cédric Follador davo stagiun da bob
ord Actualitad dals 27.02.2022.
laschar ir. Durada: 3 minutas 1 Secunda.

Terz tar campiunadi svizzer

A la fin dad ina lunga stagiun vegnan anc curunads las reginas ed ils retgs da bob sin livel naziunal. En la pli veglia ed unica bobera natirala da San Murezzan a Schlarigna ha tranter auter gì lieu il campiunadi svizzer cul bob a quatter. Il favurit e victur dad in diplom olimpic Michael Vogt ha gudagnà la concurrenza avant Timo Rohner e Cédric Follardor. La lunga stagiun va pia a fin per Follador cun ina plazza da podest.

RTR actualitad 17:00

Artitgels legids il pli savens

Scrollar a sanestra Scrollar a dretga