Siglir tar il cuntegn

Header

Navigaziun

cuntegn

Regiunal Campiunadi svizzer da juniors a Puntraschigna

Success per ils indigens tar il campiunadi svizzer da passlung en Engiadin'Ota. En tut las categorias sut 14 e 16 onns ha almain in indigen fatg il sigl sin il podest.

Per ils organisaturs dal campiunadi svizzer n'han dentant betg mo ils buns resultats dals indigens chaschunà per fatschas ventiraivlas. L'eveniment saja stà pli che mo in success uschia il facit.

Indigens cun buns resultats

Tar il campiunadi svizzer da juniors a Puntraschigna han giuvens atlets ed atletas indigens fatg furora. En la categoria sut 16 onns vegnan ils vicecampiuns da l’Engiadin'Ota. Ed en la categoria sut 14 onns eran atletas ed atlets indigens perfin ils pli sperts.

Tar ils giuvens umens ha Yannick Zellweger da la Val Fex cuntanschì il segund plaz. Tar las giuvnas dunnas e gartegià il medem a Marina Kälin da San Murezzan. Victorias indigenas hai er dà tar ils pli giuvens. Ilaria Gruber da San Murezzan ha gudagnà la cursa en la categoria sut 14 onns ed Isai Näff da Sent quella dals giuvenots.

Buna lavur da basa

Ils resultats da l’emprim di dal campiunadi svizzer da juniors a Puntraschigna mussa quant buna che la lavur da basa è en Engiadina. En mintga categoria èn atletas ed atlets indigens sin il podest. Da quels perfin la gronda part che trenescha tar il punct da basa Engiadina Nordic. Il schef trenader dad Engiadina Nordic Gian Duri Melcher e fitg cuntent cun las prestaziun da l’emprim di dal campiunadi svizzer. Ulteriuras schanzas sin plazs da podest datti er la dumengia nua che spetgan las cursas da staffetta.

RR sportissimo 17:00