Siglir tar il cuntegn

Header

audio
Reto Matossi davart unscher ils skis da passlung
Or da Actualitad dals 26.03.2021.
laschar ir. Durada: 03:50 minutas.
cuntegn

Campiunadis svizzers a Sedrun Reto Matossi: «Il material sto constar»

Bun 170 atletas ed atlets van quels dis a la partenza dals campiunadis svizzers da passlung a Sedrun. Cun pitschnas excepziuns è l’entira elita svizra a la partenza sco era in grond dumber d’atletas ed atlets da la Germania.

Durant ch’ils atlets procuran per la musica sin loipa èn ils umens da service zuppads a l'ur da la loipa. Els èn quels che procuran che mintga atlet po ir a la partenza cun il meglier material pussibel. E quel gioghia ina rolla fitg impurtanta, gist tar da quellas relaziuns da primavaira, uschia Reto Matossi, ch’è a Sedrun en funcziun sco um da service dal BSV (Federaziun da skis grischuna).

Vegnir da preparar top material è ina scienza per sa sez.
Autur: Reto Matossi um da service BSV

La crew da service prepara differents skis per mintga atleta ed atlet ch’emprova lura ora il material curt avant la partenza. Na funcziuneschan ils skis betg sco giavischà, fan ils umens da service las correcturas, e quai sto magari ir svelt, gist tar cursas da sprint, nua ch’ina gronda part va pliras giadas a la partenza.

Legenda: Reto Matossi e ses atlets vid decider cun tge ski currer. Andreas Wieland

RTR Actualitad 17:00

Artitgels legids il pli savens

Scrollar a sanestra Scrollar a dretga