L'Uniun sportiva Schluein Glion ha spustà la sonda il gieu da la segunda ligia regiunala cunter Widnau. Ma er la scuntrada da la segunda equipa encunter Danis-Tavanasa. Motiv è stà ch'il giugader tschec David Bystron è mort il venderdi.
Il club da Schluein Glion perda in da ses giugaders: David Bystron da la Tschechia è mort. Quai conferma il club sin sia pagina d’internet. Il defensur da 34 onns ha giugà per Schluein dapi quest enviern. Avant ha el tranter auter giugà sco profi per ils clubs tschecs Viktoria Pilsen e Banik Ostrau. Bystron ha era giugà en la Champions League.
