Regiunal - CB Schlarigna a la testa – CB Scuol a la cua da la tabella

Pausa d’enviern a la testa da la tabella

Il CB Schlarigna ha giugà fin qua ina stagiun extraordinaria. Da las emprimas diesch partidas dal campiunadi en quarta liga ha il CB Schlarigna gudagnà set partidas. Mo trais giadas ha l’equipa da l’Engiadina’Ota dà pari. Il CB Schlarigna ha perquai pudì prender la pausa d’enviern sco «leader» da la quarta liga, sin ina plazza da promoziun. Cler che l’equipa che ha da dar las emprimas trais partidas da la runda da primavaira vess il pli gugent gest cuntinuà cun il campiunadi.

audio

Amos Sciuchetti davart pausa d'enviern

03:59 min, ord Sportissimo dals 08.04.2018.

laschar ir. Durada: 3 minutas 59 Secundas.

audio

Amos Sciuchetti davart runda da primavaira

04:13 min, ord Sportissimo dals 08.04.2018.

laschar ir. Durada: 4 minutas 13 Secundas.

Pausa d’enviern a la cua da la tabella

Tut autra la situaziun tar il CB Scuol. Fertant che Schlarigna ha pudì ir sco «leader» en la pausa d’enviern ha il CB Scuol stuì far pausa a la cua da la tabella sin ina plazza da relegaziun. Anc mai durant questa stagiun ha il CB Scuol gudagnà ina partida, uschia n'èsi era betg simpel da dar or da maun la laterna cotschna. Durant la runda da primavaira vul Scuol far in pass vinavant ed a la fin era gudagnar ina u l’autra partida.

audio

Domenic Bott davart situaziun CB Scuol

05:33 min, ord Sportissimo dals 08.04.2018.

laschar ir. Durada: 5 minutas 33 Secundas.

RR Sportissimo 17:00