Il club da ballape Surses (CBS) sto tschertgar in nov trenader. Sco il club surmiran ha communitgà sin la rait sociala instagram chala Philipp Berri suenter 11 onns. Cun Philipp Berri al timun ha il CB Surses, tranter auter, cuntanschì il mezfinal da la cuppa grischuna ed ha pudì far il sigl en la 3. liga. Davart ils motivs tradescha Philipp Berri che sias capacitads sajan a chaschun d'in nov project professiunal simplamain limitadas, en pli haja el gì autras imaginaziuns davart la collavuraziun cun Tusaun/Cazas.
En il post ha il club engrazià a Berri per ses engaschament per il ballape en la val, e giavischà ad el tut il bun per il futur.
Flurin Demarmels ed Aurel Tscharner, dus assistents, duain a partir da la primavaira surpigliar il timun. Medemamain giajan ins a la tschertga d'ina successiun. Quai na saja dentant betg uschè simpel, di il president dal CB Surses Ivan Brenn. Ils meds finanzials sajan limitads.
Or da l'archiv
