A la fin dad ina lunga fasa da qualificaziun tuttina dà or da maun ils playoffs ed uschia ina plazza segira en la segunda liga da hockey. Quai è capità al CdH Engiadina la sonda saira durant la davosa partida da qualificaziun da quest campiunadi. Pervia ch'il SC Weinfelden ha gudagnà la davosa partida ed il CdH Engiadina ha pers, è l’equipa da l’Engiadina Bassa crudada or dals playoffs.
Quatter partidas da relegaziun decisivas
Trais equipas da hockey cumbattan anc per duas plazzas en segunda liga. Quai èn Bassersdorf ed Urdorf che dattan en l’emprima gruppa, ed il CdH Engiadina sco davosa equipa da la segunda gruppa. Per eruir tgeninas duos equipas che pon vinavant restar en segunda liga datti partidas da relegaziun. Totalmain quatter gieus, mintga giada in a chasa ed ina ordaifer cunter il medem adversari. Suenter quatter gieus vegn fatg bilantscha. Las duas fermas squadras pon restar en segunda liga, la pli flaivla squadra vegn relegada ina liga pli bass.
Cumenzar cun il avantatg da chasa
Per il CdH Engiadina cumenza la missiun da pruvar da restar en segunda liga la mesemna saira las otg. Lura spetga l’emprima partida da relegaziun a chasa cunter Bassersdorf. Era la segunda partida da relegaziun po il CdH Engiadina dar a chasa. La finamira da quests gieus è cleramain la victoria. Uss quinta mintga punct e mintga gol per betg stuair far a la fin da las partidas da relegaziun il pass aval en terza liga, sco quai era capità il 2017, cura ch'il CdH Engiadina è vegnì relegà la davosa giada en terza liga.
