Siglir tar il cuntegn

Header

audio
Chiara Solèr vegn franada
Or da Sportissimo dals 29.03.2020.
laschar ir. Durada: 4 minutas 9 Secundas.
cuntegn

Chiara Solèr Trenar ed emprender a chasa

Uss avess cumenzà la stagiun da mountainbike, per Chiara Solèr da Lumbrein il pli bel temp da l’onn. Il coronavirus sforza dentant da star a chasa. Las emprimas cursas èn vegnidas spustadas u schizunt annulladas.

Ella era pronta per la nova stagiun, ed uss saja da metter l’entira planisaziun sin il chau, uschia la giuvna Lumneziana da 15 onns che vala sco ina da las grondas speranzas svizras en il sport da mountainbike. Ella treneschia il mument bler forza u sin la rolla, e sch’ella giaja giuadora, lura persula, di Chiara Solèr.

Chiara Solèr
Legenda: Chiara Solèr - dapi quest onn sut contract tar il Thömus RN Swiss Bike Team-YoungStars. mad

Champ da trenament a Finale Ligure

Anc dacurt, la fin favrer, è Chiara Solèr stada a Finale Ligure en l’Italia en in champ da trenament cun sia nov’equipa, il Thömus RN Swiss Bike Team-YoungStars. Durant quest temp è il coronavirus rut ora a moda dramatica en l’Italia, principalmain a Bergamo, bun 250 kilometers pli en il nord. Els n’hajan betg udì bler da quai a Finale Ligure, sajan dentant er stads cuntents da pudair bandunar l’Italia, uschia la giuvna da Lumbrein.

Chiara Solèr
Legenda: Chiara Solèr en acziun sin ses mtb. mad

Scola da talents

Sper l'ir cun mountainbike frequenta Chiara Solèr la scola da talents a Glion. Er quella ha dentant stuì serrar las portas. Uschia è la giuvna da 15 onns sfurzada d’emprender a chasa. Quai giaja detg bain, ma il contact cun scolasts e conscolars manchia sa chapescha.

RTR Sportissimo 17:00

Artitgels legids il pli savens