Il december 2013 è Christian Spescha sa blessà grevamain vid in schanugl tar ina cursa rapida da la cuppa d’Europa a Madonna di Campiglio. Dapi lura cumbatta el encunter questa blessura. Durant il temp da reabilitaziun hai adina puspè dà muments nua ch’i veseva ora bain per Spescha. Ma il cletg haja mancà, menziunescha il skiunz da Sursaissa.
audio
Saira: Pertge ch'il skiunz Christian Spescha chala
ord Actualitad dals 04.05.2015.
laschar ir. Durada: 2 minutas 7 Secundas.
Che Christian Spescha è stà in grond talent mussan ils resultats en la cuppa d’Europa. Tschintg giadas è el stà sin il podest, trais giadas il pli sisum. Il 2010 ha Spescha gudagnà il classament general da la cuppa d’Europa.
Tge che Christian Spescha fa en l’avegnir decida el en il decurs da las proximas emnas. Emprendì ha el da bostger.
RR novitads 17:00