Siglir tar il cuntegn

Header

audio
Aita Gasparin è motivada da far vinavant
Or da Sportissimo dals 23.02.2020.
laschar ir. Durada: 05:42 minutas.
cuntegn

CM biatlon Antholz La pitschna è per ina gia la gronda

Aita Gasparin, la sora giuvna dal trio Gasparin, è stada la gronda figura svizra al campiunadi mundial da biatlon ad Antholz en il Tirol dal Sid. Cun trais plazzas en ils top 10 ha ella surpassà sias finamiras.

Tant en il sprint sco era en la cursa da persecuziun è Aita Gasparin vegnida 10avla. En la cursa da staffetta ensemen cun las soras Selina ed Elisa e cun Lena Häcki ha ella cuntanschì il 6avel plaz. En tut quellas cursas ha Aita Gasparin oravant tut persvadì da sajettar. La biatleta da 26 onns è stada ina da paucs svizzers ch’è vegnida bain a frida cun il stan da tir ad Antholz.

Quests resultats èn ina gronda motivaziun da far vinavant ed jau sai ch’jau hai anc dapli en mia stgatlina.
Autur: Aita Gasparinbiatleta

Sco pajaglia per sias bunas prestaziuns è Aita Gasparin stada la suletta biatleta svizra ch’ha dastgà ir al davos di a la partenza en la cursa cun las meglras 30, ina cursa cun partenza en massa. Questa cursa ha ella terminà sco 21avla. Cun quests resultats è Aita Gasparin definitiv ord la sumbriva da sias soras. Ella n’è betg pli la pitschna en il cader svizzer, mabain ina figura centrala, in’atleta che la Svizra dovra ils proxims onns per realisar il siemi da gudagnar in di ina medaglia ad in campiunadi mundial.

RTR Sportissimo 17:00

Artitgels legì il pli savens

Nach links scrollen Nach rechts scrollen