Siglir tar il cuntegn

Header

cuntegn

Collavuraziun Grischun Central Ivan Brenn: «Tar ils juniors funcziuni bain»

Dapi bun in onn e mez lavuran ils clubs da ballape da Surses, Tusaun/Cazas e Lai ensemen. La finamira è da manar il ballape in pass enavant en il Grischun Central.

La collavuraziun tranter las equipas da juniors funcziunia bain, di Ivan Brenn, il president dal CB Surses ch’è stà in dals iniziants da quest project. Uschia hajan ins pudì far il pass cun in’equipa da juniors B da la «1. Stärkeklasse» en la liga «Promotion». En las ligas pli autas, quellas dals umens, saja però pli grev da collavurar. Ils pli vegls na sajan betg pronts da simplamain midar club mo uschia, da giugar en l’avegnir per exempel tar Tusaun/Cazas enstagl tar il club da chasa da Surses. Er na giaja betg da simplamain ir dad in di sin l'auter a giugar per in'autra equipa. I dovria cleras structuras e lingias, uschia Ivan Brenn vinavant.

audio
Ivan Brenn davart collavuraziun CB Surses, Tusaun/Cazas e Lai
ord Actualitad dals 15.04.2023. Maletg: RTR
laschar ir. Durada: 5 minutas 12 Secundas.

In barat da giugaders tranter il CB Surses, Tusaun/Cazas e Lai datti pia strusch fin oz. La stagiun passada hajan intgins giugaders dal CB Surses dà intgins gieus per Tusaun/Cazas en la terza liga, ma quai n’haja betg dà in bun sang en l’equipa. Uschia ha la finala er il trenader Philipp Berri dà giu ses post da trenader tar il CB Surses. Il mument vegn il club trenà da Flurin Demarmels.

Actualitad 17:00

Artitgels legids il pli savens