Cologna e collegas treneschan sin naiv da l’onn passà

Tavau ha pudì ademplir in grond giavisch a Dario Cologna ed a ses collegas da l'equipa naziunala da passlung. Pudair trenar uschè baud sco pussibel sin naiv.

Purtret da Dario Cologna e Norbert Gruber Bild in Lightbox öffnen.

Legenda da maletgs: Dario Cologna ensemen cun Norbert Gruber, responsabel per il snowfarming a Tavau. RTR/Roger Alig

Grazia al snowfarming datti gia ussa, la fin october, ina loipa da 4 kilometers a Tavau. Snowfarming vul dir cuvrir in mantun naiv artifiziala cun stalizzas en in lieu fraid e sumbrivaun ed uschia conservar la naiv sur la stad.

Cumenzà han ins a Tavau gia avant 10 onns cun il snowfarming. Ussa han ins perfecziunà il sistem, uschia che bun duas terzas da la loipa ch'ins dovra per la cuppa mundiala, il Tavau Nordic, è gia preparada. Sonda è stada l'inauguraziun cun ina cursa da test interna:

  1. Jöri Kindschi
  2. Roman Furger
  3. Dario Cologna

RR sportissimo 17:00