Siglir tar il cuntegn

Header

cuntegn

Colonna d'agid CAS Mustér Camp da raiver per uffants a Lai Alv

Bunamain 60 uffants èn s’annunziads quest onn per il camp da raiver a Lai Alv en il territori da skis da Mustér sin 2500 meters sur mar. Quest camp vegn organisà gia dapi passa 20 onns da la Colonna d’agid Mustér, quai per uffants tranter 10 e 16 onns.

audio
Reportascha camp da raiver per uffants
ord Sportissimo dals 18.07.2019.
laschar ir. Durada: 6 minutas 3 Secundas.

Il camp cuzza mintgamai in’emna ed ils uffants vegnan survegliads ed instruids da guids da muntogna cun experientscha e manaders da giuventetgna e sport. Durant quest camp survegnan ils uffants ina introducziun en l’alpinissem. Sper il raiver emprendan ils uffants era ils differents nufs da raiver, i vegn mintgamai fatg ina tura sin in piz, ils gronds van sin il Piz Ault (3027 msm) ed ils pli pitschens sin il Piz Gendusas (2980 msm), ed i vegn introducì co sa muventar endretg e segir en ils culms ed en la grippa.

audio
Discurs cun ils manaders Marco Schmed e Fabian Fry
ord Sportissimo dals 18.07.2019.
laschar ir. Durada: 6 minutas 29 Secundas.

Durant l’emna da camp è la chamona Lai Alv il dachasa dals uffants e manaders. Là vegn stà sur notg e mangià l’ensolver e la tschaina. Da mezdi vegn mangià ord il satgados insanua en la natira sche l’aura lubescha. A Lai Alv e conturn han ils uffants era la pussaivladad dad ir cun la ruschnera da suga u dar ballape ed unihockey. Tut ils participants han dentant er da gidar. Tgi ha da metter u prender giud maisa, auters han da schubregiar. Sin la terrassa dal restaurant Lai Alv vegn er dà la pussaivladad da far bogn en il hot pot, ina bognera da lain cun aua stgaudada, e quai cun in panorama magnific sur ils culms da Mustér e conturn.

Sportissimo 17:00

Artitgels legids il pli savens