Siglir tar il cuntegn
Inhalt

Regiunal Cuira 97 ed il gieu da la davosa schanza

Cuira 97 n’ha betg pli en ils agens mauns da restar en la 2. liga interregiunala. En il davos gieu sto l’equipa grischuna en mintga cas recaltgar puncts per savair sperar da tegnair la liga.

Cuira 97 vid dar bal
Legenda: Per la squadra da Cuira 97 (en cotschen) vai en il davos gieu da campiunadi encunter Frauenfeld per tut. facebook.com/chur97

L’equipa da la chapitala grischuna dat il davos gieu da campiunadi ordaifer a Frauenfeld. Il concurrent direct en il cumbat da relegaziun è Schaffusa che retschaiva Rüti. Era l'equipa da Buchs, ch'è actualmain sin il segund davos plaz, ha dentant anc ina pitschna schanza da far il pass sur il stritg.

Tuttas equipas en la 2. liga interregiunala dattan ils gieus sonda a las 18.00.

Stan actual avant il davos gieu

Cuira 97 u la segund’equipa da Schaffusa? Tge equipa sto far il pass en la 2. liga regiunala? In gieu avant la fin han omaduas equipas 24 puncts sin il conto. Schaffusa ha dentant pli paucs puncts da chasti ed è uschia sur il stritg, Cuira sut il stritg. Ils Grischuns ston uschia gudagnà dapli puncts en il davos gieu da campiunadi che il concurrent direct.

tabella 2. ligia interregiunala
Legenda: La tabella da la 2. liga interregiunala avant il davos gieu da campiunadi. OFV

Il gieu da la davosa schanza per Cuira 97

Per il chapitani da Cuira 97, Carlo Bearth èsi cler che els ston simplamain gudagnar ordaifer a Frauenfeld. Nus stuain far noss pensums e lura stuain mirar sch’i tanscha, u betg.

Jau sper che nus vegnin davent cun in egl blau.
Autur: Carlo Bearthchapitani da Cuira 97

La stagiun da primavaira n’è betg stada simpla per Cuira 97, quai conceda Carlo Bearth. Sch’ils resultats na constattan betg, saja tut pli grev. El saja leds, cura che la stagiun saja afin. E natiralmain spera il chapitani che els vegnian anc davent ina giada cun in egl blau.

RR sportissimo