Il sguard sin la tabella mussa ch’igl è immens stretg a la cua da la tabella. Actualmain è Cuira 97 sut il stritg, la distanza sin ina plazza sur il stritg è dentant mo in punct. La sonda ha Cuira giugà a chasa encunter Buchs 0:0. Cun ina victoria vess Cuira pudì distanziar il concurrent direct. Ils sis davos gieus da campiunadi èn per l'equipa grischuna uss sco sis gieus da final.
Il capitani ch'emprova da trair il char
Dapi questa primavaira è Carlo Bearth il nov capitani da Cuira 97. Il giuven da 28 onns n’è betg in capitani immens dad aut. El è plitost il tip capitani che discurra cun ses congiugaders tranter quatter egls. Per Carlo Bearth, ch'è oriund da Rabius, èsi dentant ina onur dad esser capitani da questa equipa. Durant ina fasa intensiva sco actualmain saja la sfida natiralmain spezial gronda, conceda el.
RR Sportissimo 12:00
