Siglir tar il cuntegn

Header

Ina partida en il stadion da hockey a Cuira.
Legenda: La prestaziun dal EHC Cuira n’ha betg procurà per euforia en il stadion a Cuira. Keystone
cuntegn

Regiunal Cuira manchenta la decisiun en ils playoffs

En la quarta partida dal mezfinal dals playoffs 1. liga ha il EHC Cuira pers il gieu da chasa cunter il HCC Biasca cleramain cun 0:3, ed uschia ha Biasca egualisà en la seria al 2:2. Cunquai decida la davosa partida da mardi saira a Biasca.

Il gieu ch’era vegnì spustà pervi da la naiv da la sonda sin la dumengia ha cumenzà fitg mal per ils giugaders dal EHC Cuira. En l’emprima mesadad èn els savens stads in pass memia plauns, uschia che Biasca ha marcà 3 gols en la 12avla, 14avla e 15avla minuta.

Ed era vinavant n’ha Cuira betg mussà bler per delectar ils var 1’300 aspectaturs. Bain han els sa stentà da far ina u l’autra acziun fritgaivla, dentant senza success. Ed ils Tessinais han pudì sa cuntentar da controllar il gieu.

La 5avla partida dal EHC Cuira cunter il HCC Biasca ha lieu il mardi saira las 20.15 a Biasca.

RR Sportissimo 17:00

rtr/ba

Artitgels legì il pli savens

Nach links scrollen Nach rechts scrollen