Siglir tar il cuntegn

Header

Survista video Survista audio
Person im Fussballtrikot mit Blick auf ein Fussballfeld und Berge.
Legenda: Grafica RTR

cuntegn

Cuppa grischuna 2024 / 2025 Mes tricot – mia istorgia

Ballape è dapli che be in gieu – i sa tracta per bleras e blers d’ina passiun che collia e che creescha nunemblidaivlas regurdientschas. Parter plaschair è in dubel plaschair. Perquai as participai a nossa acziun e concurrenza speziala «Mes tricot – mia istorgia».

Autor: 

01.05.2025, 15:27

Parter

Has era ti in tricot da ballape ch'ha ina muntada speziala per tai? Forsa èsi stà tes emprim tricot sco uffant ubain in, che ta regorda vi d’in gieu spezial u vi d’experientschas nunemblidaivlas? Tuttina, sch’i sa tracta d’in «libli» da tes club preferì, d’in unicat per tai ch’è collià cun emoziuns u sch’il shirt impressiunescha simplamain visualmain – nus vulain vesair tes object da brama! Sper il plaschair da parter ed as participar, datti da gudagnar bels premis.

Premis

Avrir la box Serrar la box
  1. bon da 300 francs en tes affar da sport preferì
  2. balla uffiziala UEFA Women's Euro Switzerland 2025
  3. pachet da surpraisa da RTR

Voss tricots – vossas istorgias ⚽

Bildergalerie überspringen
  • Bild 1 von 28. Levin Berdux ha gì grond plaschair da guardar in gieu cun Kane, ses giugadur preferì. Il tricot ha el survegnì quel di a Minca. Bildquelle: Ursina Berdux.
    Kind mit FC Bayern München Trikot zeigt auf Rückennummer 9 'Kane', draussen stehend.
  • Bild 2 von 28. Cun quest tricot è Arina stada l'emprima giada en in grond stadion da ballape. Bildquelle: Mess a disposiziun.
    Lächelndes Kind in Fussballtrikot vor Holzbank.
  • Bild 3 von 28. Fabio è in grond fan da Borussia Dortmund ed ha il tricot da Bellingham. «En il champ da trenament a Bogn Ragaz hai jau survegnì in autogram da Bellingham – in grond eveniment che jau na vegn mai emblidar.». Bildquelle: mess a disposiziun.
    Drei Jungen in Dortmund-Trikots vor Berglandschaft.
  • Bild 4 von 28. I na dat nagut pli bel che «un'estate italiana». Bildquelle: mess a disposiziun.
    Zwei Fussballtrikots auf einem Bett mit Blumenmuster.
  • Bild 5 von 28. «L'onn ed il resultat hai jau emblidà», scriva Orlando Cadonau. «Dentant èsi stà a Losanna suenter in gieu da campiunadi. Manuel Akanji e Davide Calla han gì da currer ora. Suenter plirs cloms èn els vegnids tar nus fans ch‘essan anc restads in zic pli ditg en il stadion.». Bildquelle: mess a disposiziun.
    Blaues Langarm-Trikot mit Logo und Nummer 36.
  • Bild 6 von 28. Regurdientscha da Mario Dietrich vi da l'EM 2024 en Germania. Bildquelle: mess a disposiziun.
    Mann in rotem Schweizer Trikot auf Liegestuhl.
  • Bild 7 von 28. Mario Dietrich al final da la Championsleague cun il cult-moderatur Marcel Reif. El di «Fitg cool tip». Bildquelle: mess a disposiziun.
    Zwei Männer posieren zusammen vor einer Studiokulisse.
  • Bild 8 von 28. Il tricot dat a Fadrina ina massa bellas regurdientschas. Bildquelle: mess a disposiziun.
    Person im Barcelona-Trikot im leeren Stadion.
  • Bild 9 von 28. Luca ha survegnì las suttascripziuns suenter in trenament da l'equipa naziunala svizra. Bildquelle: mess a disposiziun.
    Person mit rotem Trikot mit Aufschrift 'Bearth 16' von hinten.
  • Bild 10 von 28. Il numer dal tricot tradescha si'annada. Bildquelle: mess a disposiziun.
    Kind im signierten Schweizer Fussballtrikot im Garten.
  • Bild 11 von 28. Era il tricot da Marc ha si las suttascripziuns da la naziunala svizra. Supplementarmain han era Fabrizio Cavegn e Michael Heule (FC Stade-Lausanne-Ouchy) suttascrit. Bildquelle: mess a disposiziun.
    Junge von hinten in signiertem Fussballtrikot auf Rasen.
  • Bild 12 von 28. Il tricot è stà in regal dals dus trenaders da Marc curant ses temp da chemo. Quel haja dà forza encunter il cancer, di Marc. Bildquelle: mess a disposiziun.
    Junge mit Daumen hoch im T-Shirt stehend vor einer Hecke.
  • Bild 13 von 28. Ils fragliuns Robin e Mauro en la montura da lur idol Fabrizio Cavegn. Bildquelle: mess a disposiziun.
    Zwei Kinder in roten Fussballtrikots auf Balkon mit Bergblick.
  • Bild 14 von 28. Gion dat fitg gugent ballape e sin la suttascripziun da Zigi è el spezialmain losch. Bildquelle: mess a disposiziun.
    Junge in gelbem Trikot auf Wiese mit Berglandschaft im Hintergrund.
  • Bild 15 von 28. Federico Chiesa ei il giugadur preferiu da Nael-Enea Staglianò. Bildquelle: mess da disposiziun.
    Junge im Fussballtrikot mit Ball im Garten.
  • Bild 16 von 28. Chiesa deva tar Juventus Turin ch'ha tar nossa famiglia ina gronda impurtanza. Mes aug, mes bab ed era mia mamma ed mes fragliuns na manchentan betg in gieu. Bildquelle: mess da disposiziun.
    Person im Sporttrikot mit Schal im Garten.
  • Bild 17 von 28. Quest tricot regorda Beat Gabriel vi da ses temp sco giugader da juniors tar la US Rueun. Il saja stà in bel temp. Bildquelle: mess a disposiziun.
    Gruppe von Fussballspielern in orange-blauen Trikots im Freien.
  • Bild 18 von 28. Svenja scriva «Jau era inamurada en el – nagina sgnocca 🥰 » . Bildquelle: mess a disposiziun.
    Rotes Fussballtrikot mit Nummer 23 und Schriftzug auf dem Rücken.
  • Bild 19 von 28. Maurin è losch da ses tricot e vul adina savair sche la Spagna u la Svizra è pli ferma. E pertge che il FC Tusaun Cazas na gioga betg cunter la Spagna. Bildquelle: mess a disposiziun.
    Lächelndes Kind im roten Fussballtrikot im Freien.
  • Bild 20 von 28. Livian è grond fan da Yann Sommer... Bildquelle: mess a disposiziun.
    Junge im blauen Trikot mit der Aufschrift 'SOMMER', sitzt auf einem Stuhl.
  • Bild 21 von 28. ... el ha dastgà trenar in di cun el ed ha survegnì in tricot cun suttascripziun. Bildquelle: mess a disposiziun.
    Junge im Fussballtrikot mit Ball neben einem Mann in Sportkleidung vor Sponsorenwand.
  • Bild 22 von 28. Per Lino è il tricot da Inter Milaun super cool. El po duvrar el per giugar ballape u sco rassa. Bildquelle: mess a disposiziun.
    Kind in blau-schwarzem Fussballtrikot lächelt im Wohnzimmer.
  • Bild 23 von 28. Nico è in grond fan da ballape e quai è ses tricot preferì. Bildquelle: mess a disposiziun.
    Junge im Fussballtrikot steht auf einer Wiese.
  • Bild 24 von 28. Il tricot ha si ses num e ses numer. Fan da Real è Nico perquai che Kylian Mbappé gioga là. Bildquelle: mess a disposiziun.
    Junge im Real Madrid Trikot im Garten stehend.
  • Bild 25 von 28. Il tricot che Seraina Friedli ha purtà a chaschun da ses debut sco golia da la squadra naziunala il 2017. Bildquelle: mess a disposiziun.
    Seraina Friedli
  • Bild 26 von 28. In mument tut spezial per la golia cunquai che 12 onns lavur sajan sa pajads quel di e ch'ella saja probabel l'emprima giugadra naziunala che stettia sin la plazza e chantia l'imni per rumantsch. Bildquelle: mess a disposiziun.
    Fussballtrikot in Neongelb mit der Nummer 21 und dem Namen Friedli, Rückansicht.
  • Bild 27 von 28. Il tricot preferì da Silvana (Cuira) – in da la naziunala svizra ... Bildquelle: mess a disposiziun.
    Rotes Trikot mit der Nummer 16 auf blauem Hintergrund.
  • Bild 28 von 28. ... (dapli che) entusiassem per il star? Per il numer 16, che tutgava a Tranquillo Barnetta, che ha giugà en tut 75 giadas per la naziunala svizra. Bildquelle: mess a disposiziun.
    Rotes Trikot mit der Aufschrift 'barnetta' und Nummer 16.
Zurück zum Anfang der Bildergalerie.

Uschia es era ti da la partida

Avrir la box Serrar la box
  • Upload fotografia: Chargia si las fotografias da tes tricot preferì dad ina u dad omaduas varts, ins na sto betg exnum vesair fatschas e persunas – tut simpel e pratic sur noss formular online.
  • Tia istorgia: Raquinta en furma d’in curt text, pertge ch’il tricot ha ina muntada speziala per tai – da l’annada dal tricot fin l’istorgia bunamain incredibla, tut è lubì.
  • Termin: inoltraziuns vegnan resguardadas fin dumengia, ils 25-05-2025.
  • Valitaziun: Ina giuria da RTR vegn a far ina preselecziun da tut las propostas inoltradas – ils top trais tricots cuntanschan il final. Silsuenter decidais vus en in voting online fin mesemna da mezdi, ils 28-05 tge tricot cun istorgia che plascha il meglier.

Ils victurs e las victuras vegnan communitgads mesemna saira, ils 28-05-2025 sin rtr.ch.

Avunda da tricots e gust da ballape regiunal? RTR rapporta durant l'entira stagiun. En il liveticker da ballape restais al current davart ils gronds clubs en territori rumantsch – e sco proxima ivetta datti lura il livestream dals finals da la Cuppa grischuna 2024 / 2025, ch'han lieu la gievgia d'Ascensiun, ils 29-05-2025 sin l'Obere Au a Cuira.

Final dunnas: FC Domat – Cuira 97
Final umens: CB Lumnezia – US Schluein Glion

RTR Sport

Avrir la box Serrar la box
Orange Grafik mit dem Schriftzug RTR Sport
Legenda: Resultats, livestreams, istorgias dasper las plazzas da sport, davart las sportistas rumantschas ed ils sportists rumantschs e novitads or dal mund dal sport datti sin RTR SPORT. RTR

Tut las istorgias da sport chattais Vus qua.

Tut ils videos da sport chattais Vus qua.

Artitgels legids il pli savens

Menu

Tschertga

Navigaziun principala

Enquista en Modal

(Vegn avert en ina nova fanestra.)