Siglir tar il cuntegn

Header

Legenda: Alice Kühne da Scuol trenescha dapi il 2018 ils downhillers svizzers. Andreas Wieland
cuntegn

Cuppa mundiala MTB a Lai Alice Kühne: «Jau emprov adina da star fitg positiva»

Downhill è sulet insatge per vairs cumpogns? Tuttavia betg! Quai han ins er puspè vis a las cursas da la cuppa mundiala da mountainbike a Lai. Las dunnas giogan adina ina rolla pli impurtanta en il downhill, in sport ch’è ditg vegnì dominà dals umens.

audio
Discurs cun Alice Kühne a la cuppa mundiala da mtb a Lai – part 1
05:16 min, Actualitad dals 04.09.2021.
laschar ir. Durada: 05:16 minutas.

E che las dunnas na giogan betg mo ina rolla secundara en il sport da downhill ha la Federaziun svizra da ciclissem Swiss Cycling er mussà cun engaschar avant bun trais onns Alice Kühne da Scuol sco trenadra naziunala dals downhillers svizzers.

audio
Discurs cun Alice Kühne a la cuppa mundiala da mtb a Lai – part 2
03:09 min, Actualitad dals 04.09.2021.
laschar ir. Durada: 03:09 minutas.

Alice Kühne è sezza er sa participada a cursas da la cuppa mundiala fin ch’ella aveva 24 onns. Silsuenter ha ella mess il velo da downhill per in temp dad in maun per ir a studegiar. Oz n’è l’Engiadinaisa betg sulet trenadra naziunala, ella è er psicologa, psicoterapeuta e terapeuta da sport.

Jau vom anc adina fitg gugent cun il velo da muntogna, ma il temp dad ir en gronds ristgs en il sport da downhill è passà, pertge er per ir downhill dovri bler trenament.
Autur: Alice Kühne trenadra naziunala downhill

Cun Camille Balance dal chantun Neuchâtel, campiunessa mundiala dal 2020 a Leogang, ha Alice Kühne en ses team ina sportista ch’auda tar l’absoluta elita mundiala. La finamira saja uss da manar ulteriurs atlets svizzers pass per pass a la testa. I dettia bain inqualin cun grond potenzial, uschia Alice Kühne a l’ur da las cursas da la cuppa mundiala a Lai.

Actualitad 17:00

Artitgels legids il pli savens

Scrollar a sanestra Scrollar a dretga