Siglir tar il cuntegn

Regiunal Curdin Perl gudogna la Sfida

La premiera dal mini tour de ski en Engiadina è gartegiada per Curdin Perl.

Purtret da Curdin Perl durant ina cursa da la Cuppa mundiala.
Legenda: Curdin Perl Keystone

Curdin Perl gudogna la premiera da La Sfida, il mini tour de ski en Engiadina. Il pli prominent a la partenza ch'è era gist stà ambassadur da questa premiera, era avant l'ultima da trais etappas anc terz. Sur ils 15 kilometers persecuziun ha Curdin Perl distanzià ils concurrents e gudogna cun in avantatg da 2 minutas ed 11 secundas sin Marco Rogantini che vegn segund. Il podest da La Sfida cumplettescha Kevin marc Camathias che vegn terz.

Tar las dunnas gudogna Valentina Kreienbühl, 5 minutas avant Seraina Stecher. Simone Bürgler vegn terza. Gian Duri Melcher, il schef da quest mini tour de ski en Engiadina discurra d'ina premiera gartegiada. E sco el ha ditg vinavant vegni era a dar questa cursa da passlung sur 3 etappas l'onn 2019.

RR noivtads 17:00