Siglir tar il cuntegn

Header

cuntegn

Regiunal Curdin Perl gudogna maraton da la Surselva

Success per Curdin Perl al maraton da la Surselva. Il currider engiadinais gudogna gia per la quarta giada.

Avant stgars in mais ha il currider engiadinais Curdin Perl decis da bandunar la cuppa mundiala da passlung. Enstagl sa concentrescha il passlunghist sin cursas popularas. E qua curra Curdin Perl dad ina victoria a tschella. Avant duas emnas ha Curdin Perl gudagnà la cursa populara Planoiras a Lantsch, l’emna passada è el stà il meglier Svizzer tar la cursa La Diagonela a Zuoz, e questa fin d’emna gudogna Perl anc il maraton da la Surselva.

Victoria avant Bieler e Kindschi

Curdin Perl ha gudagnà la 28avla ediziun da la cursa da Sedrun a Rueras/Dieni e puspè enavos. Quai avant Livio Bieler da Panaduz e Linard Kindschi da Tavau. La cursa da las dunnas ha gudagnà Heidi Widmer da Tavau avant Selina Pfäffli da Puntraschigna e Pierrine Truong dad Arbaz.

Sportissimo 17:00

Artitgels legids il pli savens