Siglir tar il cuntegn

Header

Quest enviern na datti ina festa populara a Zuoz
Legenda: Quest enviern na datti ina festa populara a Zuoz RTR, Roman Dobler
cuntegn

Cursa da passlung La Diagonela gea, dentant mo per professiunals

Il comité d’organisaziun da la cursa da passlung «La Diagonela» en Engiadin'Ota ha decidì da far la cursa, dentant mo per sportistas e sportists da professiun.

La cursa da passlung il stil classic «La Diagonela» è dapi in per onns la cursa populara la pli lunga en Svizra. La cursa ha tradiziunalmain lieu il schaner ed è part da la seria da cursas «Visma Ski Classics» sco per exempel er la «Marcialonga» en il Trentin.

Pervia da la pandemia da corona n'era quest onn betg cler, sch'igl è pussibel d'organisar uschè ina cursa u betg. Normalmain èn passa 1’000 curridras e curridurs da la partida tar la cursa en Engiadin'Ota. Quai ch'era l’emprim mo studegià per passlunghistas e passlunghists da professiun è creschi durant ils davos onns ad ina cursa populara.

Decidì da far la cursa, dentant senza curriduras e curridurs populars

Cun la decisiun dad empruvar d'organisar la cursa puspè per circa 150 curriduras e curridurs professiunals turna l’organisaziun da «La Diagonela» tar las ragischs. Questa decisiun è dentant crudada pervia da la pandemia. Per il mument èsi anc pussaivel d'organisar occurrenzas da sport en quest rom, be cun passlunghistas e passlunghists da professiun. La gronda sfida è dentant era qua l’organisaziun da l’eveniment cun resguardar il concept da segirezza. In pitschen confiert e forsa ch'ins sa organisar questa giada duas cursas. Gia la gievgia avant la cursa datti a Zuoz ina cursa cun tut las equipas che fan part a «La Digonela».

Artitgels legids il pli savens

Scrollar a sanestra Scrollar a dretga