Legenda:
Dario Caduff porta da nov il tricot dal EHC Arosa.
mad
cuntegn
Regiunal - Dario Caduff turna en il Grischun
Il EHC Arosa ha engaschà il goli Sursilvan Dario Caduff. Il giuven da 21 onns ha suttascrit tar il club d’emprima liga in contract per in onn. Quai communitgescha il Club d’Arosa sin sia pagina d’internet.
Cunquai turna Dario Caduff enavos en sia patria. Cun 15 onns avev’el bandunà il Grischun e giugà per il juniors d’elita dals Rapperswil-Jona Lakers. La davosa stagiun 2015/2016 è Caduff stà en il gol per il EHC Bülach che dat en emprima liga.
Dario Caduff ha er gia giugà per l’equipa naziunala svizra U16. Ed avant che ir en la Bassa vev’il giuven Sursilvan tranter auter er giugà per il HC Purtenza-Signuradi ed il EHC Cuira.
