Cun quest success a Val di Fiemme ha Dario Cologna gudagnà il sulet titel che mancava da lezzas uras anc en ses palmarès. Avant er’il Jauer gia daventà campiun olimpic, gudagnà la cuppa mundiala generala sco er il Tour de Ski.
En quest skiatlon dals 23-2-2013 ha Dario Cologna mussà ina cursa perfetga e la finala triumfà avant ses pli gronds rivals, in trio norvegiais cun Martin Johnsrud Sundby, Sjur Roethe e Petter Northug. 10 dis pli tard, a la fin da quests campiunadis mundials en l’Italia, vevi lura anc dà la medaglia d’argient per Cologna en la cursa roiala, la cursa da 50 kilometers.
Oz, 10 onns suenter quest titel da campiun mundial, è Dario Cologna per l’emprima giada en acziun sco expert tar SRF ad ina cursa a campiunadis mundials. Ensemen cun Adriano Iseppi valitescha e commentescha el las prestaziuns da las atletas e dals atlets svizzers a Planica en Slovenia.
Impressiuns dal skiatlon a Val di Fiemme 2013
-
Bild 1 von 5Legenda: Sin ils davos meters ha Cologna battì l'entira concurrenza norvegiaisa Keystone -
Bild 2 von 5Legenda: Igl è dumagnà – Dario Cologna è campiun mundial Keystone
-
Bild 3 von 5Legenda: En l'arrivada ha Dario Cologna mussà grondas emoziuns Keystone
-
Bild 4 von 5Legenda: Dario Cologna ha triumfà avant Martin Johnsrud Sundby e Sjur Roethe Keystone
-
Bild 5 von 5Legenda: Emprima e suleta medaglia dad aur a campiunadis mundials Keystone