Siglir tar il cuntegn

Header

cuntegn

Derbi grischun EHC Arosa – HCD, per l’emprima giada dapi passa 30 onns

En il rom dal giubileum da 100 onns HCD dat Tavau l’emprima partida da preparaziun da questa stagiun encunter Arosa.

Durant ils onns otganta, lura cura che las equipas grischunas dad Arosa e da Tavau dominavan la liga naziunala, era il derbi grischun ‘quella’ partida. Il duel tranter las grondas equipas grischunas era in duel tut spezial. Gia ditg avant il derbi grischun, dentant era suenter, vegniva la partida celebrada sin las plazzas da scola en tut il chantun. Er tar ils fans pli gronds a la maisa radunda era il derbi ‘quel’ tema. Ins tegneva per Arosa u per Tavau e magari deva quai era discussiuns e dispitas.

Davos derbi Arosa-Tavau avant passa 30 onns

L'emprim ha Arosa stuì far l'onn 1986 il pass enavos en l'emprima liga, pervi da problems finanzials. Pli tard è era seguì il HCD. Il derbi grischun tranter questas duas equipas hai lura mo pli dà la stagiun 1990/1991. Il davos sco menziunà l'atun 1990. Dapi lura spetgan ils fans da questas duas equipas sin in ulteriur duel tranter Arosa e Tavau.

audio
Il derbi Arosa – Tavau è enavos
03:40 min, Actualitad dals 07.08.2021.
laschar ir. Durada: 03:40 minutas.

Derbi en il rom dal giubileum da 100 onns HCD

Il Club da hockey da Tavau festivescha quest onn ses giubileum da 100 onns. Perquai han ins decidì da partir en la stagiun da giubileum cun ina partida da preparaziun encunter Arosa. Il HCD fa pia suenter varga 30 onns puspè ina giada il viadi fin entasum la val Scanvetg.  Betg pli Guido Lindemann, encunter Jaques Soguel, u Beni Neininger encunter Fausto Mazzoleni mabain Kim Lindemann encunter Andres Ambühl, u Ramon Pfranger encunter Enzo Corvi.

RTR actualitad 08:00

Artitgels legids il pli savens

Scrollar a sanestra Scrollar a dretga