Dapi la stagiun passada dat il EHC Cuira en la segund-auta liga da hockey svizra, en la Swiss League. Dapi questa stagiun è era il EHC Arosa en la segund-auta liga. Uschia ch’ils fans dal hockey grischun pon puspè giudair in derbi grischun.
EHC Cuira tschertga anc ils emprims puncts
Il EHC Cuira ha sco gia la stagiun passada gì difficultads da vegnir en il campiunadi da la Swiss League. Las emprimas quatter partidas ha l’equipa da la chapitala grischuna pers. I mancan ils gols. Ed i mancan er anc ils automatissems. Blers giugaders da l'EHC Cuira èn vegnids danov en la squadra. Els èn anc en il process d’integraziun.
Nus essans pronts e vulain ils emprims puncts.
EHC Arosa ha fadia cun il tempo
Era sche l'EHC Arosa ha pudì gudagnar ina partida dal campiunadi encunter Bellinzona, ha la squadra fadia cun il livel da la nova liga. Tut è anc pli spert en la Swiss League, e tut è anc pli fisic. Il pass da la MyHockey League ina liga pli aut en la Swiss League è grond. La squadra sto anc da s’endisar vi dal tempo da questa liga. Perquai dovra l'EHC Arosa anc in zichel pedah - peda per propi arrivar en la Swiss League.
Tut è bler pli spert en la Swiss League. Ins n'ha betg peda.
