Siglir tar il cuntegn

Header

Il terz derbi da la stagiun è stà ina clera chaussa per l'equipa da la chapitala.
Legenda: EHC Cuira – EHC Arosa Il terz derbi da la stagiun è stà ina clera chaussa per l'equipa da la chapitala. EHC Arosa
cuntegn

Derbi MyHockey League Cuira declassescha Arosa

L'EHC Cuira gudogna il derbi grischun gist cun 6:1. L’equipa da la chapitala è stada davent dal cumenzament la meglra equipa en quest gieu davant 3000 aspectaturs. La differenza ha Cuira fatg en il segund terz cun sajettar gist 5 gols.

En il terz derbi da la stagiun hai uschia dà l’emprima victoria per l’equipa dals trenaders Reto e Jan Von Arx. Cuira è danovamain en la tabella betg be davant il rival, mabain perfin a la testa da la tabella. Arosa è ussa sin plazza 2.

Davent dal cumenzament la meglra equipa

Gia en l’emprim terz ha Cuira gì dapli dal gieu. Spezialmain en in powerplay suenter bun 7 minutas ha l’equipa da Cuira gì pliras bunas occasiuns da marcar l’emprim gol dal gieu. Il goli d’Arosa, Jamal Kotry ha mussà dentant fermas paradas e sche lez era ina giada battì, han ils defensurs mess en il puck. La meglra occasiun ha Cuira gì en la 13avla minuta cura che dus giugaders han pudì ir persuls cunter il goli. Tras in pass nunexact èn els dentant gnanc vegnids da sajettar sin il gol en questa acziun.

Arosa è mo sa mussà sporadicamain en l’offensiva. Tar ils dus powerplays ha savens la precisiun mancà.

En il segund terz han ils fans vis in vair spectacul da l’equipa da chasa. Cuntrari a l’emprim terz ha Cuira nizzegià las schanzas e gist sajettà tschintg gols. E quai gist tras tschintg differents giugaders. Arosa n’è betg vegnì da tegnair pitg a la forza da l’offensiva da Cuira. Sulettamain cun il 1:3 en la 32avla minuta è la speranza curt turnada tar l’equipa dal Scanvetg. Mo 33 secundas pli tard ha l’equipa da la chapitala grischuna puspè procurà per la distanza da trais gols.

Tgi che ha quintà cun ina reacziun vehementa dad Arosa en l’ultim terz è vegnì trumpà. Cuira ha defendì a moda raffinada e tar Arosa ha er en l’ultim terz la precisiun mancà per purtar enavos la tensiun en quest derbi. Anzi, en il powerplay ha Cuira perfin anc sajettà il 6:1.

RTR novitads 21:00

Artitgels legids il pli savens

Scrollar a sanestra Scrollar a dretga