Siglir tar il cuntegn

Regiunal Duvin: In vitg, ina passiun

Malgrà che l'uniun da tir da Duvin ha mo 10 commembers – han els sustegn dal vitg.

Legende: Video Duvin ha ina pitschna, ma fitg activa societad da tir abspielen. Laufzeit 3:28 Minuten.
Or da Telesguard dals 25.06.2018.

Er a Duvin vegn sajettà durant il Tir chantunal. Il stan da Duvin è occupà durant las trais fins d'emna da festa. Il venderdi da la segunda fin d'emna hai dentant dà ina pitschna panna. Sco Peter Camenisch, president da l'uniun da tir da Duvin declera saja in'uniun che avess gì da sajettar la bun'ura ida en il fallà lieu. Uschia na tunava anc betg da sajets la bun'ura a Duvin. Peter Camenisch manegia dentant schon ch'i giaja si cun l'organisaziun malgrà il retard.

Var 14 gidantras e gidanters a Duvin

Malgrà il pign dumber da commembers da l'uniun da tir Duvin han els avunda gidantras e gidanters per la festa. Il sustegn dal vitg saja adina qua di Peter Camenisch. Uschia hajan els er avunda gidanters. Quai sajan gidanters da giuven enfin vegl.

RR actualitad 08:00