Siglir tar il cuntegn

Header

purtret d'equipa dal EHC Arosa.
Legenda: Il EHC Arosa sa chatta actualmain sin in'unda da success en l'emprima liga da hockey sin glatsch. mad
cuntegn

Regiunal EHC Arosa scappa da la concurrenza

Il EHC Arosa ha gudagnà il gieu a la testa da la tabella en l’emprima liga da hockey sin glatsch. Avant il fans da chasa ha Arosa battì il EHC Dübendorf cun 6:3.

Fin 10 minutas avant la fin è il gieu stà fitg stretg. Cun dus gols en las davosas minutas ha Arosa dentant fatg tut cler èn quest gieu tranter l’emprim ed il segund da la tabella. Grazia a questa victoria resta Arosa il leader. Da nov ha il EHC Arosa 5 puncts avantatg sin Dübendorf e gia 7 puncts avantatg sin il HCC Biasca.

Cuira declassescha Wil

Er ina runda da success èsi stà per il segund club grischun en emprima liga, il EHC Cuira. Il club da la chapitala grischuna ha gudagnà a Wil gist cun 13:1. Oravant tut en il davos terz èn ils da Wil vegnids sut la rodas dals Grischuns. En questas davosas 20 minutas ha Cuira sajettà 7 gols.

En la tabella resta il EHC Cuira sin il 5avel plaz, 9 puncts davos il EHC Arosa.

Sonda, ils 14 da november, frunta il EHC Cuira a chasa sin PIKES EHC Oberthurgau. Il EHC Arosa dat ordaifer encunter Bülach.

RR novitads 06.00

Dapli da Regiunalavrir la Landingpage

Nach links scrollen Nach rechts scrollen