Las parts dal gieu
L'emprim terz è ì a fin cun in resultat intermediar da 1:0 per CDH Engiadina. Fatg il gol ha en 14avla minuta Diego Dell’Andrino.
Durant il segund terz ha Adrian Kloos da l'EHC San Murezzan equilibrà en 29avla minuta tar in resultat temporar da 1:1.
Il derby engiadinais è ì a fin cun in 2:4 per il EHC San Murezzan. Il CDH va cun il gol da Corsin Gantenbein en avantatg 2:1. Harrison Koch da San Murezzan fa en la 47avla minuta il pari. En 57avla fa Gianni Donati in ulteriur gol per il EHC San Murezzan, sco era en davosa minuta il goal final.
Reto Mayer e Roman Dobler han commentà live l'entir gieu e s'annunzià cun inserts e resumaziuns en il radio. Anna Caprez ha manà tras l'emissiun e fatg las intervistas cun valitaziuns da presidents e giugaders.