Emprima lutga Grischuna Glarunaisa a S-chanf

Per la terza giada organisescha l’Engiadina Ota ina gronda occurrenza da lutga. Suenter las lutgas Grischunas Glarunaisas a Schlarigna e Silvaplauna, suenter la lutga da la Svizra dal Nordost NOS a Silvaplauna datti ussa sport da lutga a S-chanf.

purtret dad achmed etter Bild in Lightbox öffnen.

Legenda da maletgs: Il president da la Societad da lutga Engiadinaisa, Ahmed Etter, spera che l'eveniment en l'Engiadina motiveschia la g... RTR, Roman Dobler

Sin il areal da l’armada cumbattan l'entschatta fanadur ils megliers lutgaders dals chantuns Grischun e Glaruna, e paucs auters, per la curuna da lutga. L’areal da l’armada che serva era sco arrivada dal Maraton da skis Engiadinais è quasi predestinà per far ina tala festa. Ina part da l’infrastructura è gia avant maun: gardarobas per ils lutgaders e tualettas existan gia. Uss sto il comité d’organisaziun mo pli installar las tribunas ed ils rintgs da resgim.

«  Nossa finamira era dad organisar ina tala lutga ina giada er amez l’Engiadina. »

Linard Godly
commember dal comité d’organisaziun

La festa da lutga a chasa è senza dubi era ina buna chaschun per lutgaders indigens da mussar lur capacitads als fans da chasa. Malavita na dispona la Societad da lutga Engiadinaisa dentant betg da lutgaders da quel nivel.

«  La lutga GR-GL dess er puspè dar in stausch a la giuventetgna da la regiun da far quest sport. »

Achmed Etter
president Societad da lutga Engiadinaisa

Stgars in mais avant la lutga en Engiadin'Ota è il comité en l'urari da lavur. Durant las proximas emnas capita dentant la gronda part da la lavur da construcziun per la festa ils 1 da fanadur.

RR sportissimo 17:00