Emprima victoria per San Murezzan en il playoff

En segunda liga han ils playoff’s cumenzà. Il club da hockey San Murezzan gudogna l'emprima partida dal quart-final cunter l'EHC Schaffhausen cun 8:4.

San Murezzan gudogna malgrà la blera naiv la partida da playoff dals quart-finals. Bild in Lightbox öffnen.

Legenda da maletgs: EHC San Murezzan San Murezzan gudogna malgrà la blera naiv la partida da playoff dal quart-final. RTR/ A. Caprez

Il gieu è stà dominà da l’aura. Pervi da la naiv han ins nettegia il glatsch a San Murezzan mintga 10 minutas.

Suenter che la squadra da Schaffhausen è ida en avantatg en la 14avla minuta, s’ha la squadra engiadinaisa sa dasdada ed egualisà bain svelt la partida ad 1:1. Finalmain han ils giugaders da San Murezzan dominà la partida en il terz terz e gudogna l’emprim inscunter. La proxima partida ha lieu mardi saira (24.02.15) a Schaffhausen.