Siglir tar il cuntegn
cuntegn

Regiunal Engiadina perda e gioga la proxima stagiun en terza liga

Il Club da hockey Engiadina perda la partida decisiva cunter ils Rapperswil-Jona Lakers cun 3:4.

Il club da hockey Engiadina perda la relegaziun e gioga en terza liga.
Legenda: Engiadina perda cunter ils Lakers Il club da hockey Engiadina perda la relegaziun e gioga prest en terza liga e na pli cunter l'EHC San Murezzan. RTR/ D. Spinnler

Il temp dal CdH Engiadina en 2. liga è a fin. L'equipa da l'Engiadina Bassa ha pers la 3. partida da relegaziun encunter ils Rapperswil-Jona Lakers cun 3:4 e n'ha betg pli la schanza da sa salvar en la segunda liga. Er sche Engiadina è ì encunter ils Lakers en avantatg, ha l'equipa San Gallaisa stort la partida e decis il gieu en la 56avla minuta. En la fasa finala dal gieu ha l'equipa dal trenader Berni Gredig pers dal tuttafatg la gnerva ed incassà 4 chastids da 2 minutas. Rapperswil n'ha dentant betg pli fatg gols.

Era sche Engiadina ha anc da dar in gieu da relegaziun n’èsi betg pli pussaivel per l'equipa engiadinaisa da sa salvar en la 2 liga. Il retard sin il stritg importa 5 puncts.