Siglir tar il cuntegn

Header

video
Uffants e Weltklasse Zürich a Cuira
Or da Actualitad dals 23.08.2017.
laschar ir. Durada: 1 minuta 24 Secundas.
cuntegn

Regiunal Ensemen cun stars sin il plaz da trenament

100 uffants da Cuira e da la regiun han pudì trenar cun ils stars d’atletica leva dal meeting «Weltklasse Zürich». Quatter sportistas e sportists da renum han dà tips e trics als giuvenils en currer, er sur obstachels.

audio
Bunura: Stars da l'atletica leva treneschan cun giuvens da Cuira
ord Actualitad dals 23.08.2017.
laschar ir. Durada: 2 minutas 43 Secundas.

Adina avant la concurrenza d’atletica leva «Weltklasse Zürich» visitan stars da la concurrenza era differentas citads en Svizra. Uschia er Cuira. Ils organisaturs da la saira «uffants treneschan cun Weltklasse Zürich» han pudì beneventar ils curridurs americans Kerron Clement (campiun olimpic e duas giadas campiun mundial sur 400 meters obstachels) e Jennifer Simpson (ha gudagnà argient sur 1500 meters als campiunadis mundials dal 2011). Sportistas svizras èn stadas da la partida Petra Fontanive e Selina Büchel.

Durant in'ura han 100 uffants pudì trenar sin il plaz d’atletica leva Sand a Cuira cun ils stars ch'èn lura da la partida al meeting a Turitg. Ina giada sa stgaudar en cun Kerron Clement, u far il trenament da currer cun Selina Büchel, la campiunessa d’Europa sur 800 meters en halla.

Mo 100 uffants han giu la fortuna dad esser da la partida al trenament fitg spezial. La sort ha decis tgi che po esser da la partida e tgi betg. Ils uffants han gì plaschair vi dal trenament spezial. Per tuts è la saira cun ils stars da l’atletica leva stada ina saira nunemblidaivla.

RR actualitad 07:00

Artitgels legids il pli savens