Siglir tar il cuntegn

Header

video
Lai – San Murezzan : Etappa 2 Swiss Epic 2023
Or da Sport dals 16.08.2023.
laschar ir. Durada: 5 minutas 11 Secundas.
cuntegn

Etappa 2 Duo Stutzmann/Stošek er il segund di a la testa

Il segund di da la cursa d'etappas da mountainbike Swiss Epic ha spetgà in'etappa pretensiusa da Lai a San Murezzan sur il Pass da l'Alvra. Il medem duo sco l'emprim di dal Swiss Epic ha dominà er la segunda etappa.

Sco emprims da la gruppa d'elita dals umens han dumagnà en l'arrivada il duo da Canyon Nortwave cun Martin Stošek e Marc Stutzmann. Quai il medem team sco gia l'emprim di. Er uschiglio èn tranter ils top 5 ils medems duos – ma en in'autra successiun. Quai vala er per l'elita da las dunnas, be ch'il duo St Moritz ha remplazzà las Cali-rado Rogue ch'eran suenter l'emprima etappa sin plaz 5.

Il Team Laax cun il Grischun Fadri Barandun e ses cumpogn Konny Looser èn sa rangads il segund di sin plazza 4, quai suenter la plazza 5 da l'emprima etappa.

La rangaziun da l'etappa 2 da Lai a San Murezzan:

Avrir la box Serrar la box

UCI umens:

  1. Canyon Northwave: Martin Stošek & Marc Stutzmann
  2. Bulls: Simon Schneller & Axel Roudil Cortinat
  3. Buff Bergamo: Hans Becking & Peeter Pruus
  4. Team Laax: Fadri Barandun & Konny Looser
  5. Wilier Pirelli: Daniel Geismayr & Wout Alleman

UCI dunnas:

  1. Elysator Efficient Infinity Insure: Vera Looser & Kim Le Court
  2. Davos Klosters: Bettina Janas & Adelheid Morath
  3. Torpado | Bulls: Katazina Sosna & Irina Lützelschwab
  4. Cannondale Vas Arabay Women: Monica Calderon & Tessa Kortekaasv
  5. St Moritz: Aurelie Halbwachs & Sarah Hill

Amaturs umens:

  1. Stoll Bikes: Lukas Spengler & Jonas Baumann
  2. Team Portugal: Christopher Portugal Reibel & Renato Tapia Landa
  3. Al&Va: Valere Henrotte & Alessio Buetti
  4. Bike Kingdom: Thomas Frischknecht & Severin Disch
  5. Lantau Hooligans: Willem Pretorius & Jason Williams

Amaturas dunnas:

  1. Zureck Sweden: Linda Detering & Julika Pahl
  2. Dani Schnider Radsport Crazy Ladies: Jolanda Lötscher & Cornelia Schwarzentruber
  3. Muggy and Tod: Danielle Wegenstein & Margauy Kelly
  4. GKB Epicologinnen Chur: Gianna Meier & Lea Rutz
  5. Cali-rado Rogues: Johanna Neuber & Krista Silvers

Link tar tut ils resultats

      audio
      Impressiuns a l'arrivada a San Murezzan
      ord Actualitad dals 16.08.2023. Maletg: RTR
      laschar ir. Durada: 5 minutas 55 Secundas.

      RTR mussa live

      Avrir la box Serrar la box

      Sin rtr.ch e PlayRTR pudais Vus seguir las atletas ed ils atlets sur culms e vals en il livestream. Reporter Andreas Wieland commentescha la cursa e beneventa differents giasts. Sper quai datti reacziuns ed istorgias or da la scena da mountainbike.

      Temp da livestream:

      • Etappa 1 Lai: 08:40 – 13:00
      • Etappa 2 Lai – San Murezzan: 07:40 – 13:00
      • Etappa 3 San Murezzan: 07:40 – 13:00
      • Etappa 4 San Murezzan – Tavau: 07:40 – 13:00
      • Etappa 5 Tavau: 08:10 – 18:00 (cun ceremonia da victuras e victurs)

      Da Lai en l'Engiadin'Ota

      Sur 81 kilometers èn las mountainbikeras ed ils mountainbikers ida il segund di da Lai a San Murezzan. Durant l'etappa la pli lunga ston las atletas ed ils atlets rampignar sur il Pass da l'Alvra. Da là suondan il trail da l'Alvra, sur l'Alp da Staz enfin a San Murezzan. I spetga in'etappa dira ch'ha cun 2'350 meters d'autezza era bunamain la pli auta differenza d'autezza.

      Per avair bunas chommas dovri er bun nutriment

      Impurtant n'è betg be la prestaziun sportiva, mabain er il nutriment suenter ils kilometers en la sella. Il segund di èn quai stads 81 kilometers e 2'350 meters d'autezza.

      audio
      Il mangiar è impurtant
      ord Actualitad dals 16.08.2023. Maletg: RTR
      laschar ir. Durada: 3 minutas 18 Secundas.

      RTR Livestream Swiss Epic

      Artitgels legids il pli savens