Siglir tar il cuntegn
cuntegn

Regiunal Fadri Barandun gudogna Swiss bike maraton classic

Per la segunda giada gudogna il mountainbiker engiadinais Fadri Barandun la seria da cursas Swiss bike maraton classic.

La seria da cursas Swiss bike maraton classic cumpiglia sis cursas. Tranter quellas er il Bike maraton dal Parc Naziunal – ubain la cursa Iron bike race a Nossadunnaun. Gia per la segunda giada gudogna Fadri Barandun da Samedan questa seria da cursas. Gia la stagiun passada ha il giuven sportist da Samedan gudagnà il classament general da questa seria.

Cursas da mountainbike per hobi

Dapi l’onn 2014 metta Fadri Barandun tut sin la carta mountainbike. Quai dentant mo en ses temp liber. Il giuvenot da 21 onns lavura dasperas 100% sco producent da multimedia. Temp per ses hobi e per las cursas sto Barandun chattar sper la lavur. Quai n'è betg adina simpel. Mintgatant èsi stentus dad avair anc peda per il trenament.

Stagiun da cursas è a fin, uss cumenza la preparaziun sin la proxima stagiun

La basa per sias bunas prestaziuns durant la stad metta Fadri Barandun durant ils mais d’enviern. Il ciclist profitescha il pli lung pussaivel da las bunas relaziuns da l’aura uss d’atun e cuntinuescha dad ir cun il velo. Pli spert che la naiv vegn mida el alura sin ils skis da passlung. Tranteren era sin patins per dar in zichel a hockey. Er tar ils mountainbikers vala: La basa per bunas prestaziuns la stad vegn messa durant ils mais d’enviern.

RR actualitad 07:00