Siglir tar il cuntegn

Header

Navigaziun

Persuna Mathis Störi
Legenda: Dapi 21 onns è Mathis Störi gia engaschà per ils Alligator Malans. RTR, GIAN CARLO CANDINAS
cuntegn

Regiunal Far ord ina halla ina pitschna arena da unihockey

Alligator Malans retschaiva GC tar il gieu numer sis da la seria da mezfinal. Radund 1'000 aspectaturs vegnan ad esser da la partida. Tants aspectaturs han plaz en halla grazia a la gronda lavur da numerus commembers.

La halla «Lust» a Maiavilla è ina normala halla da gimnastica. Avant mintga gieu da chasa han ils commembers dals Alligator Malans dentant da transfurmar questa halla en ina pitschna arena d'unihockey.

Nus investin bun 100 uras da lavur en questa transfurmaziun.
Autur: Mathis Störiresponsabel per il marketing

Il club d'Alligator Malans ha radund 500 commembers. Per organisar gieus da chasa en ils playoffs, che vegnan anc mussà live sin SRF, dovri in grond engaschi da tuts.

Nus essan ina famiglia e tuts lavuran per che nus savain restar in grond numer en l'unihockey svizzer.
Autur: Mathis Störiresponsabel per il marketing

Situaziun sportiva

Alligator Malans è en retard en la seria da mezfinal cunter GC cun 2:3. Il grond siemi dal club è da sa qualifitgar per il superfinal che ha lieu ils 27 d'avrigl a Kloten. Per far quest pass dovri uss dentant duas victorias en roda. Emprim la sonda a chasa e lura anc glindesdi da Pasca ordaifer a Turitg.

Gia sa qualifitgà per il final è Wiler-Ersigen. Els han gudagnà la seria cunter il rival chantunal da Köniz cun 4:1.

RR sportissimo