-
Bild 1 von 17. Bunamain 200 annunzias a Nordic Culinaric. Bildquelle: RTR, Andreas Wieland.
-
Bild 2 von 17. Avant che sa metter sin loipa hai dà solver en la scrinaria Tarcisi Maissen. Bildquelle: RTR, Andreas Wieland.
-
Bild 3 von 17. Da tuttas sorta liongias al solver culinaric. Bildquelle: RTR, Andreas Wieland.
-
Bild 4 von 17. Las resgias han stuì far plaz a bunamain 200 curridras e curriders. Bildquelle: RTR, Andreas Wieland.
-
Bild 5 von 17. Pronts per il viadi direcziun Mustér ed enavos. Bildquelle: RTR, Andreas Wieland.
-
Bild 6 von 17. Nordic Culinaric ha carmalà pitschen e grond. Bildquelle: RTR, Andreas Wieland.
-
Bild 7 von 17. Tgi pli spert e tgi pli plaun. I na vegn betg mesirà il temp. Bildquelle: RTR, Andreas Wieland.
-
Bild 8 von 17. Emprim post a Surrein tar l‘ustaria Placi Pign. Bildquelle: RTR, Andreas Wieland.
-
Bild 9 von 17. Er il biatlet Eligius Tambornino è da la partida. Bildquelle: RTR, Andreas Wieland.
-
Bild 10 von 17. A Brulf vegn prendì in zic pacific. Bildquelle: RTR, Andreas Wieland.
-
Bild 11 von 17. Intgins han schizunt pudì currer fin Salaplauna. Bildquelle: RTR, Andreas Wieland.
-
Bild 12 von 17. Bell‘aura e loipas perfetgas. Bildquelle: RTR, Andreas Wieland.
-
Bild 13 von 17. In bun vinars en la Destillaria Candinas a Surrein. Bildquelle: RTR, Andreas Wieland.
-
Bild 14 von 17. Degustaziun da vinars avant che turnar a Trun. Bildquelle: RTR, Andreas Wieland.
-
Bild 15 von 17. En il center stat la buna cumpagnia. Bildquelle: RTR, Andreas Wieland.
-
Bild 16 von 17. Gentar hai dà pulenta or dal pariel. Bildquelle: RTR, Andreas Wieland.
-
Bild 17 von 17. La societad da musica Trun ha embellì il di Nordic Culinaric. Bildquelle: RTR, Andreas Wieland.
Cumenzà ha il di Nordic Culinaric cun in ensolver a Trun cun da tuttas sorts chaschiel, liongias, paun e tarschola. Silsuenter èn partids curridras e curriders en il stil classic, mes’ura pli tard tut ils auters ch’èn sa mess sin viadi direcziun Mustér en il stil liber. Adina puspè hai dà posts cun bavrondas, tés, paun, paun cun pèra, simplamain per mintgin insatge. Mintgin ha pudì currer sco el ha vulì, tgi pli plaun e tgi pli spert. Era ha mintgin pudì decider sez quant lunsch ch’el ha vulì currer.
Reclama per loipa Cadi e products indigens
L’intent da quest’occurrenza saja da far enconuschenta la loipa Cadi tranter Trun e Mustér, ma er da far enconuschent il sport da passlung e dasperas er far reclama per ils products dals purs indigens, di Flurin Maissen dal comité d’organisaziun. Els sajan pli che cuntents cun l’ediziun Nordic Culinaric 2019 e quai animeschia da cuntinuar er in auter onn cun quest'occurrenza sportiva e culinarica.
Ina sentupada cun ils collegas
A la partenza da Nordic Culinaric è era stà il biatlet Eligius Tambornino ch’ha per ina giada er prendì in zic pli pacific sin sia loipa da chasa. I saja er impurtant da currer magari in zic pli plaun e giudair la cumpagnia. Suenter in’emna pulit dira cun blers trenaments d’interval saja el stà leds da pudair giudair in bel di pli pacific avant ch’i giaja lura en curt als campiunadis d’Europa da biatlon a Minsk en la Bielorussia, uschia Tambornino.
RR actualitad 08:00