Pervia da la pandemia ha Sursaissa stuì spetgar dus onns per finalmain dastgar benevantar ils 800 uffants davent dad 8 fin 16 onns ch'èn arrivads or da tut ils chantuns da la Svizra en Surselva. Igl èn quels 800 ch'èn stads ils pli svelts en las cursas da qualificaziun durant quest enviern ed han uschia la quida d'esser part da quest grond final ed event da Swiss Ski. A l'ultim final dal Grand Prix Migros, l'onn 2019 a Sörenberg, ha Lara Bianchi gudagnà en sia categoria da l'annada 2008. L'onn 2018 a Grächen era. Ed uschia na fai betg surstar sch'ella gÌ che quellas cursas èn sias preferidas.
Unic e spezial spezial ch'il final è questa giada en sia patria, quasi avant isch-chasa e sin quella pista che Lara Bianchi ha cumenzà cun 2 onns ad ir cun skis, è daventada in «Wisali» ed è dentant en il cader regiunal dal SST. Ir cun skis e far cursas è la gronda pissiun da la giuvna talentada ch'è dacurt vegnida campiunessa grischuna en il super-G da las U14 e che vul far il proxim pass en il cader grischun BSV.
Avantatg da chasa cumbinà cun in pau squitsch
Na, ella na saja betg stada spezialmain gnarvusa. In pau squitsch forsa bain, da vulair clamar giu sia meglra prestaziun a chasa ed avant uschè blers aspectaturs, la famiglia, parents, fäns e blers indigens ch'enconuschian e sustegnian ella. Malgrad che Lara Bianchi era in pau malsauna il grond di da cursa, ha ella murdì sin ils dents. Per triumfar sco ils ultims onns en il slalom gigant n'hai per 20 tschientavels betg tanschì. Lara Bianchi vegn terza e tarlischa en l'arrivada a Sursaissa-Misanenga ed è levgiada e cuntenta ch'ella è sil podest. In success che motivescha, tant pli sch'ins sa ch'il Grand Prix Migros è stà il cumenzament da numerusas grondas carrieras da skiunzas e skiunzs svizzers en la cuppa mundiala.
Suenter ses terz plaz la sonda en il slalom gigant ha Lara Bianchi era persvadi la dumengia en il Combi-Race e terminescha è quella cursa da final sin il podest e vegn medemamain terza.