Siglir tar il cuntegn

Header

Navigaziun

Legenda: Tadlar il audio Saira: Domat vul far renfatscha cunter Tusaun/Cazas. Durada 02:23 minutas.
02:23 min, Actualitad dals 28.05.2019.
cuntegn

Finals cuppa GR ballape Nairas uras da far revantscha

Gia per la 5avla giada en seria vegni en il final da la cuppa grischuna da ballape da las dunnas tar il duel tranter il Club da ballape da Domat ed il Club da ballape da Tusaun/Cazas. Ils davos quatter onns ha mintgamai il favurit Tusaun/Cazas gudagnà il titel.

Suenter quatter terradas en seria survegnan las giuvnas da Domat ina proxima schanza da finalmain triumfar ina giada en la cuppa grischuna. Els vegnian a far tut il pussibel da far revantscha e batter las vischinas da Tusaun/Cazas di la defensura da Domat, Ladina Dermond.

Il 2016 è Domat stà fitg datiers al titel

Avant trais onns fissi bunamain gartegià da derscher Tusaun/Cazas giu dal tron. Lura ha Domat pers il final pir en la lutga da penaltis. Ils davos dus onns hai mintgamai dà ina terrada da 0:3 per l’equipa da Domat che dat en la segunda liga regiunala.

Nus lain gudagnar ina giada quest final e sperain ch’i gartegia quest onn.
Autur: Ladina Dermonddefensura CB Domat

Er quest onn è l’equipa da Tusaun/Cazas il favurit en quest final da la cuppa grischuna che vegn giugà la gievgia d’Ascensiun il suentermezdi a las 13:30 en il stadion a la Ringstrasse a Cuira. Per ina èn las giuvnas da Tusaun/Cazas il defensur dal titel e l’actualmain meglra equipa grischuna da las dunnas. Tusaun/Cazas dat era il campiunadi en l’emprima liga, ina liga pli aut che l’adversari da Domat.

RR actualitad 17:00