Frederic Cathomas – dal ski alpin tar il golf

Gia cun 16 onns ha Frederic Cathomas in handicap da 4. El è uschia in dals emprims talents che sorta dal Club da golf Sedrun.

Laschar ir video «Frederic Cathomas sin la plazza da golf a Selva»

Frederic Cathomas sin la plazza da golf a Selva

1:50 min, dals 7.8.2015

Cun 7 onns ha Frederic Cathomas cumenzà a dar golf sin la plazza da golf a Selva. Cun ils onns ha el survegnì dapli forza e scuvrì la fascinaziun per quai sport.

Oz abitescha Frederic Cathomas a Tenero e frequenta il gimnasi da sport a Locarno. Uschia po el cumbinar scola e sport. Frederic siemia da daventar in profi golfist, è dentant fitg realistics e sa con grev che quai è per in giugader da golf svizzer.

Avant ch’el è sa decidì per il golf era Frederic Cathomas in skiunz. Durant in onn è el schizunt stà commember dal SST, il team da skis Surselva.