Siglir tar il cuntegn

Header

Halla da glatsch Gurlaina
Legenda: Halla da glatsch Gurlaina RTR, Roman Dobler
cuntegn

Regiunal Futurs stars da hockey a Scuol

Nino Niederreiter u era Enzo Corvi èn anteriurs giugaders da la naziunala da hockey U16. Uss vegn la naziunala da juniors per trais partidas a Scuol.

Top hockey da juniors per ina giada en la halla da glatscha da Gurlaina a Scuol. L’equipa naziunala da juniors, a la quala era l’Engiadinais Tiziano Pauchard fa part, vegn per trais partidas en Engiadina. A Scuol dat l’equipa naziunala da hockey U16 trais partidas encunter la Slovachia.

Hockey da qualitad è impurtant per la regiun

I na capita betg uschia savens che la naziunala da hockey dat partidas en la halla da glatsch da Gurlaina a Scuol. Questa fin d’emna dentant fan ils megliers juniors da la Svizra fermativa a Scuol per dar trais partidas encunter la Slovachia. Buns giugaders èn savens gia buns en la vegliadetgna da juniors. Uschia per exempel Nino Niederreiter che ha gia lura pudì mussar sia gronda classa ed è stà capo tiragols da la squadra naziunala da juniors.

RR actualitad 17:00