Siglir tar il cuntegn

Header

cuntegn

Regiunal Genevra e Bienna – campiuns svizzers da juniors

En la Finalissima a Scuol han las equipas da Genevra e da Bienna gudagnà il titel da campiuns Svizzers tar l’elita A ed ils noviz d’elita.

La premiera è gartegiada. Anc mai n'èn ils campiuns svizzers da las duas pli autas categorias da juniors vegnids eruids en ina finalissima. In duel da duas partidas entaifer dus dis. Ensemen cun la federaziun Svizra da hockey ha la regiun da l’Engiadina Bassa ed il club da hockey d’Engiadina organisà questa occurrenza e quai cun success. Genevra tar l’elita A e Bienna tar ils noviz d’elita en ils campiuns Svizzers meritads.

audio
Bilantscha Finalissima Marco Ritzmann
ord Actualitad dals 01.04.2018.
laschar ir. Durada: 2 minutas 38 Secundas.

Bienna en avantatg suenter l'emprim gieu

En il duel tranter Bienna e Zug tar ils noviz d’elita èsi stài gia suenter l’emprima partida magari cler. Bienna aveva gudagnà l’emprim duel cun 7:4. Il segund gieu ha Bienna lura pers cun 1:2. Pervia da la meglra differenza da gols è il titel dentant i a l’equipa da bernaisa.

Final da ‘Hitchcock’ tranter Genevra ed ils GCK Lions

Pli stretg èsi stà tar l’elita A. Suenter l’emprima partida da la Finalissima eri pari 4:4. Ed era suenter 60 minutas da la segunda partida eri pari 2:2. Uschia ha stuì decider la prolungaziun. E qua ha Genevra fatg suenter gnanc ina minuta il gol decisiv. Genevra ha gudagnà cun 3:2. Quai è l’emprim titel da campiun Svizzer per l’elita A da Genevra.

Artitgels legids il pli savens