Gianola presidiescha 90avla Cuppa Spengler

Sut palmas ha il Club da hockey da Tavau preschentà il program dalla 90avla Cuppa Spengler. Sut palmas, quei vul dir a Lugano. Sco gia l'onn passà è il HC Lugano numnadamain la segunda equipa svizra che dat al turnier da tradiziun da Son Stiafen enfin Son Silverster.

Purtret da Gianola e Graf Bild in Lightbox öffnen.

Legenda da maletgs: Marc Gianola il schef dal Cup Spengler, dretg, discurra cun moderatur da venderdi saira, Christian Graf. Keystone

Suenter che Fredy Pargätzi è stà durant 26 onns alla testa dil comité d'organisaziun è quest onn per l'emprema giada Marc Gianola responsabel per il turnier. El è l'anteriur capitani dal HCD.

Plinavant è vegnì enconuschent che la SRG SSR ed il HC Tavau prolungeschan il contract per il Cup Spengler per tschintg onns enfin l'onn 2021. Ushia pon las plattafurmas da SRF, RTS, RSI ed RTR vinavant rapportar exclusivamain dal turnier da tradiziun. Plinavant producescha la SRG era en il futur il signal mundial per tuttas partidas.

Schweizerische Filmwochenschau da la 24avla Cuppa Spengler

1:09 min, dals 7.1.1949

Procurar per in turnier attractiv procuran en emprema lingia las sis equipas. Sper las equipas svizras da Tavau e Lugano ein quei il Team Canada, Dinamo Minsk dalla Belorussia, l'equipa russa Jekaterinburg e Mountfield HK dalla Tschechia. Las equipas han tuttas la medema finamira: Da mussar bun hockey dad ault nivel.

RR actualitad 08:00