Siglir tar il cuntegn

Header

Il gimnast artistic Killian Schmitt ha mussà la meglra prestaziun.
Legenda: maletg simbolic: Il gimnast artistic Killian Schmitt ha mussà la meglra prestaziun. Keystone
cuntegn

Regiunal Giuvens gimnasts indigens persvadan

Cun tensiun han ins spetgà quest onn a Maiavilla sin il campiun svizzer da juniors dals gimnasts artistics, Killian Schmitt da Mels. Ed il giuven dad 11 onns ha accumplì las aspectativas. Killian Schmitt ha gudagnà la Cuppa da Heidiland.

«El ha be fatg in pitschen sbagl vid la barra», di il president dal comité d'organisaziun da la Cuppa da Heidiland, Christof Kuoni. «Quai n’ha dentant fatg nagut. Killian Schmitt ha mussà ina prestaziun sensaziunala ed ha uschè pudì decider la Cuppa da Heidiland en moda e maniera suverana per el en il program 2.»

Er Janic Meier persvada

Killian Schmitt era il grond favurit en la categoria fin l’annada 2004. Il giuven gimnast artistic da Mels, che trenescha en il center da gimnastica a Maiavilla, ha purschì insatge als visitaders. Dentant er ses collega da trenament, Janic Meier da Maiavilla, ha mussà a chasa ch'el è il meglier. Janic Meier ha gudagnà la concurrenza dal program 3.

Meglra reclama pussibla

Ils gimnasts indigens han tut en tut procurà en il final da la Cuppa da la Svizra Orientala, la Cuppa da Heidiland, per stupentas prestaziuns. Els han uschia er fatg la meglra reclama pie l'agen center da gimnastica artistica. En il Grischun èsi be pussibel a Maiavilla da trenar quest sport professiunalmain.

Cuppa da Heidiland

Dapi sis onns s'inscuntra l'elita da la gimnastica artistica adina la primavaira a Maiavilla e cumbatta en il center da gimnastica artistica per il titel da la Cuppa da la Svizra Orientala. Giuvnas gimnastas e giuvens gimnasts sa mesiran lura vi dal rec, vi da la barra u vi dals rintgs en differentas categorias.

Artitgels legids il pli savens

Scrollar a sanestra Scrollar a dretga