Siglir tar il cuntegn

Header

Jannik Canova (2001), Tim Lutz (2000), Marino Misani (2000), Fabian Ritzmann (2002) e Denys Rubanik (2001)
Legenda: Tschintg juniors dal HCD fan il proxim pass tar ils profis. hcd.ch
cuntegn

HCD Contract da profis per 5 talents

Il Club da hockey da Tavau ha fatg in contract professiunal cun gist tschintg talents giuvens ord il cader da juniors dal HCD. Quai èn Jannik Canova (2001), Tim Lutz (2000), Marino Misani (2000), Fabian Ritzmann (2002) e Denys Rubanik (2001).

Tut ils tschintg giugaders han dà pliras stagiuns en il cader da juniors dal HCD. Dasper han els absolvì il gimnasi u in emprendissadi. Dapi ch’il HCD ha cumenzà cun il trenament da stad l’entschatta matg treneschan ils tschintg juniors cun l’emprima equipa dal HCD.

Canova, Ritzmann e Rubanik pudessan da la vegliadetgna anora er anc giugar la proxima stagiun en il cader d’elita dals U20. Il schef da sport dal HCD, Raeto Raffainer, vul dentant surtut laschar giugar quest trio cun ils profis, primar en la Swiss League, la segunda auta liga da hockey en Svizra. Pussibel saja dentant era che quels trais giugaders possian ina u l’autra giada giugar cun l’emprima equipa dal HCD en la National League u en la Cuppa Svizra, tut tenor il svilup da mintgin, uschia Raffainer.

RTR novitads 15:00

Artitgels legids il pli savens

Scrollar a sanestra Scrollar a dretga