Siglir tar il cuntegn

Header

cuntegn

HCD-ZSC Lions a Scuol Fabian Ritzmann turna cun il HCD a Scuol

Gieu spezial per il junior dal Cdh Engiadina Fabian Ritzmann. Cun il HCD turna el en sia patria per la partida cunter ils ZSC Lions

Fabian Ritzmann è oriund da Scuol. Tar il Cdh Engiadina ha el emprendì l’amulain da hockey. En la vegliadetgna da sedesch onns ha el pudì far midada a Tavau tar l’elita dal HCD. A Tavau ha el era tschattà sia plazza da giarsunadi. En l’administraziun dal HCD ha Fabian Ritzmann pudì far l'emprendissadi da commerzi ed a la fin ha el lura survegnì la stad passada l’emprim contract da professiunal tar sia equipa da siemi, il Club da hockey da Tavau.

Sur l’equipa partenaria en il dress da Tavau

L’emprima stagiun sco profi ha Fabian Ritzmann dà ensemen cun ils Ticino Rockets, l’equipa partenaria dal HCD en la Swiss League. Suenter la fin da la stagiun a Biasca è il giuven attatgader da Scuol vegni nominà da Christian Wohlwend en l’emprima equipa da Tavau. Cun il HCD ha il giugader da l’equipa naziunala pudì dar las ultimas partidas da qualificaziun ed era trais gieus dals pre playoffs cunter Berna.

audio
Fabian Ritzmann turna cun il HCD a Scuol
03:19 min, Actualitad dals 12.08.2021.
laschar ir. Durada: 03:19 minutas.

Entira preparaziun sin nova stagiun cun il HCD

Suenter la stagiun passada è Fabian Ritzmann lura gist restà tar il HCD. Cun il campiun da record ha Ritzmann pudì far l’entira preparaziun sin la nova stagiun. Fabian Ritzmann ha era dà las emprimas partidas da preparaziun cun il HCD. Uschia era il gieu encunter ils ZSC Lions. Il attatgader turna uschia cun sia squadra da siemi enavos tar las ragischs a Scuol, en la halla da glatsch da Gurlaina. En il lieu nua che sia carriera ha cumenzà.

RTR actualitad 11:00

Artitgels legids il pli savens

Scrollar a sanestra Scrollar a dretga