Siglir tar il cuntegn

Header

cuntegn

Hockey da qualitad a Scuol HCD-ZSC Lions a Scuol

Ils ZSC Lions sa preparan a Scuol sin la nova stagiun da hockey. Part dal camp da trenament è la partida da preparaziun cunter il HCD a Scuol

Il Cdh Engiadina profitescha

Mo grazia a las entradas supplementaras dad equipas che vegnan d’ordaifer a Scuol a trenar po vegnir garantida la gestiun da la halla da glatsch da Gurlaina. La halla porscha l’entir on l’infrastructura per dar a hockey, dentant era per trenar sper il glatsch. Mo cun las entradas da l’equipa da chasa, dal Cdh Engiadina, na pudess la Gurlaina betg surviver. Uschia profitescha er il Club da hockey d’Engiadina sche autras equipas vegnan en la regiun per trenar.

HCD-ZSC sco eveniment per sponsurs

La partida tranter las duas equipas da la National League è segir ina ivetta dal camp da trenament dals ZSC Lions a Scuol. HCD-ZSC è in duel che ha gia prest il caracter dad in derbi. Per il HCD è la partida cunter il ‘Zett’ la terza partida da preparaziun sin la nova stagiun. Gia la fin d’emna ha il HCD dà il gieu cunter Arosa e la partida cunter Cuira. Omadus gieus ha l’equipa grischuna gudagnà. L’eveniment nizzegia il Cdh Engiadina sco regal per ils sponsurs. Enstagl da l’occurrenza ordinariapon ils sponsurs ir a guardar il gieu da las duas equipas da la National League.

audio
Domenic Toutsch davart l'importanza dal gieu HCD-ZSC
03:26 min, Actualitad dals 12.08.2021.
laschar ir. Durada: 03:26 minutas.

Preparaziun dal glatsch sco adina

Era sche la visita a Scuol è prominent è la preparaziun dal glatsch a Gurlaina, dentant er da las gardarobas da las duas equipas ospitantas, sco adina. Jachen Benderer, in dals responsabels per la preparaziun dal glatsch fa quai cun la medema premura sco adina. Sia finamira è adina da pudair porscher als giugaders las meglras cundiziuns.

audio
Jachen Benderer prepara il glatsch
03:15 min, Actualitad dals 12.08.2021.
laschar ir. Durada: 03:15 minutas.

RTR actualitad 11.00

Artitgels legids il pli savens

Scrollar a sanestra Scrollar a dretga