Siglir tar il cuntegn

Header

cuntegn

Hockey regiunal Arosa en ils playoffs – Cuira en la relegaziun

Las equipas grischunas che dattan en la My Sports League van vias differentas. Entant che Arosa dat actualmain ils playoffs, vai per Cuira mo pli per l’onur en la runda da relegaziun.

audio
EHC Arosa dat en ils playoffs fertant che l'EHC Cuira dat en la relegaziun
aus Actualitad vom 24.02.2022.
abspielen. Laufzeit 2 minutas 34 Sekunden.

Las ambiziuns da las equipas grischunas en la MySports League èn grondas. Tant l'EHC Arosa, sco era l'EHC Cuira han annunzià lur interess da dar en il proxim futur en la Swiss League, quai è la segund auta liga da hockey en Svizra. Per far quel pass vul quai sa chapescha ina basa finanziala solida, e lura era la prestaziun sportiva. Actualmain cumbatta dentant mo pli l'EHC Arosa en ils playoffs da la MySports League. Per l'EHC Cuira va quai en la runda da relegaziun mo pli per l’onur.

EHC Arosa en il quartfinal

L’equipa dal Scanvetg ha terminà la qualificaziun en la MySports League sin la setavla plazza. En l’emprima runda da playoff cumbatta la squadra uss cunter Huttwil per far il proxim pass. La finamira da l’equipa che ha gudagnà da curt la cuppa svizra da hockey encunter Dübendorf, èsi da dar il final. Alura è tut pussaivel. Per cuntanscher quella finamira vul quai dentant la victoria encunter Huttwil en il quartfinal, ed alura er la victoria cun in pussaivel adversari en il mezfinal. La via e pia anc lunga.

Best of five: Arosa 1:2 Huttwil

Avrir la box Serrar la box

Arosa ha pers la terza partida dals quartfinals en ils playoffs cun 3:5.

Suenter questa terrada ordaifer è Huttwil cun 2:1 en avantatg en la seria da best of five.

EHC Cuira dat anc per l’onur

Entant che Arosa è sa qualifitgà per la runda decisiva en la MySports League n'ha quai betg tanschì per l'EHC Cuira. L’equipa cun ils novs trenaders Reto e Jan von Arx n'è betg da la partida. Perquai dat Cuira la runda da relegaziun. Quai èn anc sis partidas, nua ch'i va per Cuira per l’onur. Cun il davos gieu da qualificaziun encunter Basilea as ha l'EHC Cuira numnadamain segirà ina plazza en la MySports League.

RTR actualitad 12:00

Artitgels legids il pli savens

Scrollar a sanestra Scrollar a dretga